滿小館

营业中

休息中

大概半年有幸经过，食过呢间嘢好好食，早几日终于约到屋企人一齐去试，入到去坐底望点餐纸，先发觉唔同哂，佢最好食嘅芝士海鲜酥居然无左，金汤松露饺又无左，问咗职员，职员话原来佢哋久唔久会转餐牌，咁基于上次啲野食都好高评分，今次就试吓佢其他点心啦。虾饺饱满，新鲜弹牙，味道刚好唔会咸，呢个果然系推介👍🏻炸两肠好卜卜脆，好食，外皮无乜味，但内层油炸鬼好脆，好少香港食到真系咁脆嘅炸両👍🏻柚子蜜蛋散都好松化，无油腻味，4旧两人分岩岩好瑶柱虾菜苗饺，唔知系咪蒸耐咗，表皮好易烂好痴，个馅好似九唔搭八捞埋一齐蒸咁樱花虾千酥卷好咸，佢嘅酥皮系几好食嘅，但系配埋入边有啲唔夹，好咸，食唔出咩味海鲜卷好脆，但入边系沙律海鲜，好甜好漏，食到有虾粒最后茶位依家系每位$14，听讲已经冇咗平日免茶芥lu，总结: 冇晒之前啲特色嘢，唔值得专登去到咁偏远食，价钱都唔平。