茶記冰室 (已結業)

近日爱上邪恶食物「炸鸡脾」，难得今日可以轻松一下走到葵涌街市食个下午茶，同事系葵涌街坊，大大推介刚在5月转手的『茶记冰室』，食物质素好，佢话性价比极高，梗系要亲身体验下。来一个轻松休闲下午茶，炸鸡脾配薯条都系$35，加3蚊有冻饮，我叫咗杯冻柠檬茶。哗～炸鸡脾超大只，热辣辣，切开后仲出烟，鸡皮脆肉质滑，仲带少少肥膏，忍唔住一路食一路赞，真系好好食呀！至于薯条系厚身扭纹的，啖啖薯仔肉，加上淮盐，带少少辛辣，非常惹味。柠檬茶都唔弱，柠檬新鲜，茶底够茶香味，确实好饮。另外同事介绍我必点小菜，我哋就叫咗苦瓜煎蛋，份量十足，够鸡蛋味，苦瓜煮得刚刚好，很不错。蒜蓉炒芥兰都好香口，芥兰新鲜又翠绿，入口幼嫩，够镬气，正呀！其实唔只下午茶抵食，连午餐、常餐、炒粉面饭同小菜都咁抵食又好食，值得变成大家心目中的茶餐厅新宠儿。