鮨月 (已結業)

以前食过一次印象OK，今日行过谂住食个午餐，发现可能已经转左手。是旦啦，坐低系寿司台叫左个12贯寿司定食。然后，等，等，等，等左几乎半个钟，除左杯茶乜都无黎，望住师傅叔叔，佢又好似好忙好努力，楼面姨姨又好紧张甘行出行入，但就系食物始终出得好慢，服务亦几乎等于无。过多阵姨姨可能发现我面已经黑过台面，先急急跟跟单然后手忙脚乱攞左份寿司黎，咦，得十件，唉，是旦啦，照食，难食未算，比超市外卖好少少咁多多。食左阵，定食的其他野无跟住黎，例如沙律呀面鼓汤呀同埋个餐牌自己写住有两件剌身添，之后仲应该有甜品同餐饮，太忙漏左? 望下姨姨，佢继续好紧张好忙甘系我身边行出行入，又睇唔明佢忙左乜出黎，唯有扬手问佢个餐系咪仲有配菜未上，佢慌失失话系既，然后，等，等，等，等左一轮，佢攞左碗仔沙律黎，系，得碗仔沙律黎。心死，食物又唔系好，服务又完全唔识做，同佢磨落去都系同归于尽，再扬手叫埋单算啦，188大元，十件寿司两口沙律吽左大半个钟。我知道世道艰难，揾食不易，但系唔识做个行就真系未学识就蚀到入骨都未天光个㖞，何必呢?