八喜 (已結業)

一直也有记著这里，位置问题，开左一段日子都未黎过，落大雨，唔想再行，乘机黎试下。试新店，一向都系先试几款最想试的，这次也一样。追加定转场，都系睇第一转，今次真系无追加的意欲，要转场。台式野，盐酥鸡、胡椒饼、虾卷都想试下，加个前菜凉伴千层，𩠌就要个柯仔砵，想试的差不多。前菜凉伴千层先黎，芫荽丫、葱丫跟猪耳一样多，卖相打了点折扣，猪耳腍的，应有的爽口也没有，有点失望。胡椒饼个饼有唔少芝麻，不过无咩芝麻香，里面旧肉死实实，无咩肉汁，不过胡椒味算香。虾卷少少脆，不过d虾肉咬落唔算弹牙，无咩特别既虾卷。盐酥鸡，椒盐味同埋咸香味都很浓郁，够哂香口，食左几款以呢款最好吃。柯仔砵，上枱果阵热辣辣，几大砵下，蚝仔亦多，不过味淡淡的。服务可以的，环境不错的。食物方面，除了盐酥鸡，其他几款都不太满意，去第二度再吃过。