我愛慢煮 (孖沙街) (已結業)

好钟意行上环，更钟意上环嘅嘢食，因为质素好而且价钱贴地啲。今日去咗呢间好有良心嘅慢煮餐厅，之前其实已经试过佢第2间分店，今次主要系想再食佢个大啡菇😝。先讲装修，好有工业风，灯光配合得好好，成个感觉好适合chill住倾计。头盘我哋叫咗牛油果沙律，新鲜爽脆，重点系落牛油果一啲都唔孤寒，食极都仲有，好正。我哋仲叫咗芝士温泉蛋大啡菇，其实嘢食加芝士就一定无死，但佢哋嘅大啡菇真系好出色，芝士香，温泉蛋煮得啱啱好，系流心😍，大啡菇好juicy又唔会「水lai lai」，系我食过最好食嘅一道菜式！再一次盛赞😍👍🏻鸭髀都系多人叫嘅菜式，不过可能个大啡菇太出色，依道菜我觉得都唔错，性价比高，但无大啡菇咁惊喜。😝主菜我哋叫咗件牛扒，同样出色，熟得啱啱好，有牛香而好juicy，个人觉得系因为慢煮，所以先做到依个texture👍🏻最后仲叫咗两盘超级抵食嘅焗嘢，焗菠菜同焗通心粉，一样啦，火喉控制得好好，唔会焗得太耐，芝士又香又浓，性价比极极极高！个通心粉仲要好烟韧🤤👍🏻👍🏻👍🏻👍🏻总括嚟讲，食物极正，价钱极贴地，装修正，又有良心！💛👍🏻