影片
更多
2021-08-20
571 浏览
自从系西贡食过镬仔dutch baby pancake🍳之后就念念不忘个阵蛋香味🥚，早排见到荃湾呢间开业大约半年既cafe都有得食就决定要去试下🤩.Café位于荃湾广场附近，地理位置📍唔算难揾，如果去荃湾系邻近几个大型商场行街前/后过去食野都几就脚🐾系门口见到cafe系一间转角舖位以为好大，然而入面实际只有五张小圆台同窗口一排四个座位🪑，收银区更系同coffee bar、厨房三合一，坐系距离呢个工作区最接近既窗口位🪟其实都几有压迫感😓加上当日两点零去到坐左无耐太阳☀️就晒正窗口位，俾太阳晒住既情况下食野同饮野都真系唔太舒服，所以坐到窗口位都唔知系件好事定系坏事🤭.唔知系咪因为空间有限，个人感觉呢度系以甜品🍮为主，甜品选择有7款但其他食物就得两款all day breakfast🍱、6款意大利粉🍝同一款小食🥘；至于饮品方面，咖啡类☕️有8款，其他饮品🍵只有3款茶类🌱、babyccino、朱古力同matcha latte共6款，可以话系一间贵精不贵多既cafe🤭****************************** ✨黑松露贝夏媚白酱蟹肉手工千层面🦀🍝 ($98)千层面普遍以红酱🔴为主，
自从系西贡食过镬仔dutch baby pancake🍳之后就念念不忘个阵蛋香味🥚，早排见到荃湾呢间开业大约半年既cafe都有得食就决定要去试下🤩.
Café位于荃湾广场附近，地理位置📍唔算难揾，如果去荃湾系邻近几个大型商场行街前/后过去食野都几就脚🐾
系门口见到cafe系一间转角舖位以为好大，然而入面实际只有五张小圆台同窗口一排四个座位🪑，收银区更系同coffee bar、厨房三合一，坐系距离呢个工作区最接近既窗口位🪟其实都几有压迫感😓
加上当日两点零去到坐左无耐太阳☀️就晒正窗口位，俾太阳晒住既情况下食野同饮野都真系唔太舒服，所以坐到窗口位都唔知系件好事定系坏事🤭
.
唔知系咪因为空间有限，个人感觉呢度系以甜品🍮为主，甜品选择有7款但其他食物就得两款all day breakfast🍱、6款意大利粉🍝同一款小食🥘；至于饮品方面，咖啡类☕️有8款，其他饮品🍵只有3款茶类🌱、babyccino、朱古力同matcha latte共6款，可以话系一间贵精不贵多既cafe🤭
******************************
✨黑松露贝夏媚白酱蟹肉手工千层面🦀🍝 ($98)
千层面普遍以红酱🔴为主，白酱⚪️真系比较少有，而呢客千层面每层面皮之间都夹住有黑松露酱🍄同蟹肉碎🦀既白酱，不过两者味道并唔明显，反而芝士🧀份量就几足，比较似系食紧一份芝士千层面🤔
虽然菜名写住系手工，面皮既口感并无一般手工意面既Q弹同埋嚼劲，加上千层面既真身大约得一砖豆腐咁大，如果作为两个人share既主食，除非两位都系细食人士，否则真系唔太够食🙈
-
✨焗芝士贝夏媚白酱鸡皇配迷迭香蕃茄面包条🐔 ($58)
由于要留肚食甜品又唔想食两客意大利粉就点左呢款店内唯一一款既小食，鸡肉粒🐔被满满既芝士🧀同白汁包围并以铁镬热辣辣咁上桌🥘，份量一啲都唔似系一份小食😯
可惜鸡肉食落无味感觉似系无腌过，所以呢份小食主要既味道系来自芝士同白汁😑
迷迭香蕃茄面包条🥖既香草味🌿同蕃茄味🍅属于清淡型唔会好浓郁，不过份量只有一条，每人要用呢半条面包条去KO成兜芝士白汁鸡皇其实绝对系唔够，而且亦唔太蘸到酱汁，最后只能空口食会觉得有啲heavy😟 如果可以有返蒜蓉包既大小兼且有多几件会比较理想👌🏻
-
✨荷兰宝贝班戟配糖煮杂莓🍳 ($68)
呢客pancake既卖相望落好正宗，边位带有轻微焦脆不过个人略嫌中央偏薄，口感上并无之前系西贡cafe食过既咁软绵绵☁️
鲜杂莓🍓🫐既份量唔少，个杂莓酱食落甜甜酸酸，可惜pancake无论系闻同食落都无法令人感受到应有既蛋香🥚，呢点系令我觉得几失望既😣
-
✨Dirty☕️ ($40)
Dirty既精髓在于新鲜整好时可以一口饮到espresso shot刚brew出黎既热同冰凉鲜奶🥛两者既温度，不过呢杯dirty既鲜奶明显系唔够冻❄️，呢点已经系唔合格❌
由于呢度并无提供咖啡豆风味俾客人选择，而呢杯dirty既风味比较fruity🍇，个人就唔系太钟意佢既味道🙈
-
✨Latte☕️ ($40)
奶泡打得够绵密☁️，咖啡既body比较清爽，对于饮惯醇厚口感既我黎讲就唔太习惯🤨
试埋呢杯latte之后个人认为呢度既水准只属一般，无乜太令人印象深刻既地方😅******************************
👧🏻人均消费：$152
😋味道指数：3/5
💰抵食指数：3/5
🪑环境指数：3/5
💁🏻♀️服务指数：3/5
👍🏻再访指数：3/5
-
📍Bench Cafe
地址：荃湾芙蓉街17号地舖
⏰营业时间：11:00–21:30 (Mon–Sun)
张贴
