太平洋咖啡 (港運城)

营业中

休息中

又到放饭时候，为咗唔好食太多顶住，唔同同事去食碟头饭，走去食轻食。啲间咖啡店嘢食种类越来越多，最近新出咗烧牛肉杂菜丝红菜头包，有菜有肉有五谷类咁均衡，所以买嚟试下。落咗单要等用烤炉整热，两三分钟有得攞。呢度算几多位，即刻揾到位唔使等。个包食落同普通包无乜分别，不过红菜头益气补血系有益食材。牛肉同杂菜铺满成个包，牛肉唔太干容易咬开，杂菜加沙律酱更易入口。不过食完真系唔饱，两个钟就会饿。而全线都唔期望员工会态度好，做功课多过一个钟唔会赶，但食完嘢加恰一恰都唔够一个钟就埋嚟拍，匪夷所思。