水木日本料理 (已搬遷) 新店位置

XO仔每年庆生都会玩足成个月，不过主要都系夜间活动多，今年碰巧遇上细佬冇得带饭返公司食及要参与多个守斋活动，周二中午，表妹就専程黎湾仔请小肥表哥喺「水木日本料理」食生月晏。因工作事忙，XO仔迟到咗成十分钟，故亦未有时间四周拍下环境照，到步两口子即点咗两款寿司及海鲜丼定食作午餐。店子午市唔算好爆，落单后服务生随即呈上套餐所包有o既沙律、前菜、炖蛋，效率极高。沙律其实都好爽脆，个人只系略嫌个调味汁过酸，食到细佬咪哂眼。热辣辣o既炖蛋清香幼滑，十分甜美。辣豆前菜微辣香脆，惹味醒胃。热乌冬o既面条滑身弹牙，个清汤底虽则暖胃，不过就好似未落盐咁。北海道海鲜丼（$188）：承载著海鲜丼𠮶只碗真系好大只；单凭相片未必睇得出，垫底o既白饭份量其实都唔野少！饭面o既三文鱼鲜美油润、带子幼嫩带脆、海胆亦为鲜浓嫩滑。女仕寿司定食（$158）：所谓「女仕寿司定食」其实即系数量少咗o既寿司定食，男生点选亦无不妥。六件寿司颜色鲜丽，当中三文鱼寿司柔润甜美、带子寿司鲜厚嫩脆、海胆寿司浓甜滑溜、三文鱼籽寿司香浓湿润。为怕返回公司后饭气攻心，细佬就要咗杯热咖啡作结，估唔到咖啡咁够浓。「水木日本料理」位置都有少少隐蔽，不