德國餐廳 (博文街) (已結業)

今日下午茶吃得太饱，夜晚又约左朋友聚聚，好彩咁啱见到间德国餐厅，唔肚饿都可以叫下小食送啤酒，轻松啤一啤。门口有个大玻璃窗，配彩蓝色长椅，好有地中海风格。小店虽然唔大，但坐得算宽敞，砖墙配木桌椅，好适合慢慢饮酒轻松下。食物同啤酒饮料既种类都算多，价钱亦好合理。一桶2L既德国啤酒，慢慢自助斟，我拣左Erdinger Weissbier，麦味适中，清清甜甜，好易入口。西班牙风干火腿配凯萨沙律，份量好足，火腿够咸香够薄，芝士粉味道好浓郁，沙律菜都好新鲜。而且店员好亲切，笑容十足，有兴趣食德国菜既，可以一试。