完美咖啡室 (已結業)

系湾仔附近做完野，见仲系tea time嘅时间，心血来潮想食下甜品，就黎咗依间cafe。几别致，装潢清新，有2只枱仔，侍应招呼唔错。我地一行6个人叫咗5个甜品share。最吸引眼球嘅莫过于火焰雪山($70)，侍应会系客人面前烧著雪山，外层系烧焦嘅蛋白，而内层系仲系冻嘅云呢拿雪糕，冰火交融，可以话系口感上嘅冲激。苹果金宝($65)，即叫即焗，上面系粒粒脆脆嘅，下面包住香浓嘅苹果肉同苹果汁，装住雪糕嘅盘原来系用酥皮整嘅~焦糖脆脆($42)，脆脆加上软滑嘅cream。日式芝士($42)，有浓烈嘅芝士味，好松化。热情芒果($42)，酸酸甜甜。