吉祥酒莊

营业中

休息中

今次同几位朋友一齐叫咗600蚊一set嘅私房菜，因为厨房就喺座位隔离，你可以一直见到老板好有心机咁样喺度煮，食到差唔多先至再上另一个course，成个节奏都好慢活嘅感觉。终于揾到间餐厅，唔使几千蚊一个人头，先至可以食个饭唔洗赶头赶命 😭每个course 其实都系跟人头去预分量嘅，可能因为我哋几个女仔，去到后面第5个course 已经开始饱，不过最后嘅蛋白杏仁卷真系好好食😍，女人果然系有两个胃。环境虽小，但系我哋坐梳化位坐得好舒服，而且我哋仲带咗几支红、白酒去饮，系免收开瓶费嘅，当然佢哋果到都有唔少靓酒㗎，系真系9成都靓酒庄（唔太贵，afford到的入门级别），识饮饮开，去到见到就会明☺️。到10点几，我哋食完继续喺度饮，老板都冇催我哋或者赶我哋走，仲同我哋倾计，依个态度值得加分👍❤️，令客人觉得舒服同埋宾至如归，有家嘅感觉，我觉得系每一个私房菜都应该学习嘅地方。