太平洋咖啡 (已結業)

食完主食后，又揾个地方继续吹水hea，见到对面有Pacific Coffee，就黎呢度啦。做紧promo，oatly coffee买一送一，咁抵梗系点呢样。燕麦奶咖啡（$47）点了最大size的，拉花很求奇，但连锁店你仲想点醉翁之意只在hea，卖相如何也没差，又不是为打卡。讲返杯啡，燕麦奶原来系无乜奶味㗎㖞，饮落好浓啡味，加点麦香，都几正，买一送一抵到烂。仲点左窝夫，即叫即整制作需时，附上呼叫器一个。2017推出窝夫时已经系$48一份，到左2018都无加价，份量依然咁大份。口味选择只有两款，士多啤梨或香蕉，选择要了后者。窝夫是现做的，拿到时依然系热辣辣，好有蛋香，质地厚实，属饱肚形。旁边买有蜜糖同忌廉，食落不会寡，中间的朱古力雪糕用上movenpick，朱古力味浓，配窝夫一流。晚上人流不多，是一个好hea点。