Top Blade Steak Lab (希慎道)

营业中

休息中

食牛扒大家都会谂去扒房，感觉都系一啲比较高级嘅餐厅，今次嚟到呢一间餐厅，同样系食扒嘅，格调同气氛比较轻松，灯光比较明亮。餐牌好简单，有三款嘅牛扒，一款猪，同埋汉堡包，无论叫咩都好薯条都系任食嘅。员工好有心机咁样介绍佢哋卖嘅每一款牛扒，除咗Menu上面见到嘅款式外，佢偶然都会有一支限量而且唔系Menu上边嘅选择。落单后，定时定候佢哋就会拎住一大兜薯条分比每一台嘅客人，牛扒等左十分钟左右就有得食啦。蒜蓉好香滑好重牛油味，牛扒煎得刚刚好，要几多成就煮到几多成，其他配菜就普普通通，预备嘅汁都几有心思，同牛排一齐食好夹味。牛扒份量真系唔多，但系因为有无限薯条所以都尚算饱。