米線陣 (鱷魚恤中心)

营业中

休息中

上次经过米线阵见有下午茶餐，一直想试吓，今日难得放假，去按摩Relax吓，打算食个轻食。除咗平日套餐，下午茶餐选择都几多因为怕之后去按摩太饱会唔舒服，就叫咗G 黑醋猪软骨拼香菜汤菜肉饺子，再加$5饮青瓜豆浆香菜-即系芫萎，虽然一向唔钟意芫萎，以前放汤都唔Ok, 但人大咗接受程度大咗，开始识得欣赏呢样香料。反正唔系直接食用，但用来调味可以提升食物鲜味，好似芫萎皮蛋鱼汤、凉拌云耳、口水鸡之类凉菜加咗香味更浓郁。而呢个汤亦好清香，饺子Size细细，味道不错。而呢碟黑醋猪软骨好入味，酸酸甜甜好开胃，但部分软骨就未软得晒，如果再煮得更稔相信会更好食！而青瓜豆浆就有一粒粒青瓜碎，好清新嘅甜味，配麻辣汤解辣一流呢度嘅吧台位好适合独行侠用餐架，环境亦几整洁。