HOKO Farm (已結業)

今曰终于有时间约吓啲朋友仔出下街食下饭，我地系金钟收工行落去湾仔揾野食，朋友拣左HOKO FARM，餐厅环境不错有很多小摆设，光线充足及环境好有cafe既感觉，系湾仔上班既朋友可以过来一试架！芝士鱼柳炮长通粉...金黄色既鱼柳，煎得很香，个粟米汁好滑，好香粟米味，食落去一啲都唔似罐头粟米汤，可惜啲通粉煮得太冧，太长时间，如果少时间点就增加口感。香煎羊架伴薯角……主菜我地叫左羊架，有两件好似手撑咁大既羊架再配上炸薯角同沙律菜伴碟，份量足够二人食啱啱好一人有一件羊架！味道啱啱好。而且好香羊膻味系我面前飘过，煮到有七成熟，正呀！如果薯角同沙律菜个份量可以多番少少会好啲既！士多啤梨棉花糖朱古力最后叫左杯季节限定饮品，好甜棉花糖味朱古力味淡唔够浓，不过饮落几特别，唔错！唔错！