Cafe Je T'aime (已結業)

四点左右嚟到，室内嘅台都full哂禁滞，刚好有台客人要走，咁我哋就可以坐番响室内，其实室外都有台，不过我唔钟意坐出去，所以都系等咗一阵啫。。呢度地方其实唔大，坐位其实都唔算舒服，因为全店只得一个梳化对坐位置，其他就系无扶手嘅硬铁凳，不过店主就细心的加上坐垫，但其实坐得都唔系太舒服。。因为我觉得梳化凳会同食cake叹茶match一啲。。其实呢啲地方都系俾人hea吓倾吓计，消磨几粒钟。。所以凳系非常重要。。。食物方面。。全店差不多都系芝士cake，只系味道不同，我哋嗌𠮶两件cake都ok，不过口感方面就实咗少少，唔知系咪因为个雪柜太冻，佢亦有每日精选，可惜我𠮶日太晏，已经售罄。。至于杯花茶就无咩特别惊喜，同平时自己买嚟焗嘅都差唔多。。而杯朱古力都系差不多，只系味道比平时饮嘅朱古力奶差不多。。价钱接近一百七十蚊。。总括嚟讲。。如果要我用呢个价钱，我又唔觉太值。。只不过如果响上水区，咁独市生意就难免会贵少少嘅。。都值得试吓嘅。。