麵屋豚豚拍子 x 辛味屋 (已結業)

今日黎到新都城商埸，知道佢呢排商场已经有圣诞节既装饰，所以专登去打下卡。打完卡就顺手系商场入边食野。今次我地就入左2楼既面屋豚豚拍子x辛味屋 ，见佢门口show出黎既日式食品款式到多，所以就入去坐底食野。今次叫左2个set，一个牛肉寿喜烧锅定食加多份牛肉，一个汉堡奄列咖喱饭，小食就叫左北海道南瓜炸薯饼同炸鱼柳。牛肉寿喜烧锅定食跟左一份乌冬及一只鸡蛋，汤底系浓汤底，又可以改为蕃茄汤，岩晒唔同口味既人。今次我就冇转汤底，因为我地觉得寿喜锅配乌冬系最夹。汉堡奄列咖喱饭，咖喱汁系日本咖喱，好香咖哩味道，但一D都辣，汉堡奄列，汉堡肉质鲜嫩，咬落去肉汁流晒出黎，唔会死实实。炸鱼柳同北海道南瓜炸薯饼都炸到外脆内软，鱼柳肉质嫩滑，薯饼口感仲软绵好味道添。