大家樂 (華懋大廈)

营业中

休息中

今日真系做到好辛苦，喺中环放工，一支公唔知食乜，天口凉凉地，想自制「小确幸」，梗系打边炉。唔系特登想食大餐家乐，但夜晚嘅中环，真系冇乜好食，要食平民嘢，快餐店真系一个几好嘢选择。大家乐有几好食？心照啦，都唔明点解咁多人写食评，咪又系工场整出嚟，畀分店翻热之嘛，平民价钱，唔通好食到识飞咩？大家乐打单先搞笑，我嗌个X3餐，美国榖饲牛窝，转个乌冬，加个柠乐，八十大元。坐定定等攞𩠌，佢个系统系食物还食物，饮品还饮品，乱到七彩，有个客坐低先翻转头，同水吧阿姐讲畀漏两杯嘢，仲俾阿姐闹，都几好笑，但食大家乐，预咗㗎㖞，你估五星级酒店呀？相反，点火个阿姐好细心，虽然其实都系真系资深婶婶，搭地铁都就快可以两蚊。佢醒目嘅程度系一个眼神就知个客要点火，点火出手快，快得嚟又唔粗鲁，唔粗鲁之余仲要好礼貌，令我对呢间大家乐完全加分，忘记出品部𠮶种粗声粗气。食物方面，冇乜特别，味精水浸熟啲食物。唯一值得提，系粒唔知咩云吞，细粒过鱼旦，如果人手包嘅话，都几嘥工夫，细粒到如畀一个正常男人，食五十只以上先有机会饱。