雙辣 (已結業)

同朋友仔睇完戏 决定系附近商场觅下食 一入商场就见到food court 就系谂紧食咩个阵 朋友仔指住咗呢间问 食辣野好无虽然我唔太食得辣 但辣野真系好难抗拒 见到餐厅门口设计到咁靓靓 一于试下佢〰️〰️〰️〰️水煮毛血旺一上枱 见到超级大兜 而且啲配料超足 有鸭血 牛柏叶 午餐肉 牛肚 肥肠 芽菜 莴笋 粉条 最抵赞系鸭血有好多旧 朋友仔话粉条超正 索晒啲精华仲滑捋捋 食到最后仲要系到揾啲bb粉条仔 所以极度建议加粉条 成个毛血旺 4个字形容 又辣又麻❤️‍🔥 虽然我唔食得辣 但真系好惹味好过瘾 下次嚟都要再嗌！〰️〰️〰️〰️巴蜀口水鸡口水鸡份量正常 两个人share就啱啱好 虽然呢间餐厅主打食辣 但呢个口水鸡辣味好温和 酸酸辣辣 好开胃 鸡嘅肉质唔鞋 而且食一啖已经食到阵酒味 无谂过酒同口水汁咁夹😋 食食下发现 原来呢间口水鸡无花生 私心觉得加埋花生就更好啦〰️〰️〰️〰️辣子鸡软骨一上枱见到满满嘅辣椒 我表示惊惊 但点知食落唔系超辣 好香口 鸡软骨份量超级足 而且有少少鸡肉包住软骨 口感好过瘾 鸡软骨先炸后炒 但完全无变淋 加上用咗干蒜 孜然粉炒 食落好香口 送酒真系一流 忍唔住一粒接一粒咁食〰️〰️〰️〰️酸