譚仔雲南米線 (已結業)

湾仔太原街谭仔于中午时间日日都排长龙，非常人多，曾经试过系门口等左45分钟都未入得，食饭时间都过左一大半，好彩今日早少少去到可以即刻有位，拿拿声点左个重庆酸辣米线小辣配墨鱼丸、牛肉、腩肉，今次好快就上枱可以食啦。重庆酸辣米线小辣配墨鱼丸、牛肉、腩肉：满满一层红红既辣椒油望落已经觉得好辣，但钟意食辣既我成日心思思都挂住呢种辣味，食过好多餐厅既墨鱼丸，始终觉得谭仔既墨鱼丸比较弹牙爽口有墨鱼粒粒，牛肉亦系新鲜牛肉，腩肉都腌得入味，好香既油香，配上重庆辣味真系夸啦啦，食过翻寻味。最后饮埋冻柠蜜就大满足。