影片
更多
2017-10-22
318 浏览
呢间位于铜锣湾嘅火锅店《火锅英雄》， 装修甚具文艺气息，挂满咗对联， 中式乐器， 插画。 主打四款山城四大名锅： 川菜冷锅鱼、 跳水田鸡锅， 南山泉水鸡锅， 以及青椒鱼头锅。 每款都各有特色，集麻、香、辣、嫩于一身。 打边炉之前可以品尝各种山城风味， 大饱口福。英雄八盏，八道精致既前菜： 猪耳、芽菜、青瓜、海带、豆角、 豆腐干、 猫耳朵、莲藕，由淡到浓，咸酸辣麻，总有一道啱你口味。洛神花茶，呢杯洛神花茶有少少酸梅汤既影子，酸梅同洛神花既味道平分秋色，初时饮就觉得甜咗少少，不过个鸡锅一嚟到之后，味道便渐渐对办了。南山泉水鸡锅，泉水鸡系近年喺川渝地区炙手可热既新派川菜，一般是一鸡三吃：泉水鸡，鸡血旺，炒鸡杂；由于源自重庆南山，因而得名。餐厅选用拣手乌骨土鸡公，以花椒，辣椒，大蒜，豆豉，冰糖等十几种香料炮制而成，突出麻辣烫鲜香嫩既特点，令人回味无穷；最好一开始就捞哂啲鸡上嚟先，食一旧落一旧，咁就可以保持鸡肉既嫩滑；除咗嫩滑既乌鸡之外，锅里面仲有大量既冬菇，钟意食冬菇既我大爱。 新鲜鹅肠，新鲜既鹅肠有几美味，相信食过既朋友都无需多讲，难得在于新鲜既鹅肠唔系度度有得食，今日喺度见到当然唔会放过，
英雄八盏，八道精致既前菜： 猪耳、芽菜、青瓜、海带、豆角、 豆腐干、 猫耳朵、莲藕，由淡到浓，咸酸辣麻，总有一道啱你口味。
洛神花茶，呢杯洛神花茶有少少酸梅汤既影子，酸梅同洛神花既味道平分秋色，初时饮就觉得甜咗少少，不过个鸡锅一嚟到之后，味道便渐渐对办了。
南山泉水鸡锅，泉水鸡系近年喺川渝地区炙手可热既新派川菜，一般是一鸡三吃：泉水鸡，鸡血旺，炒鸡杂；由于源自重庆南山，因而得名。餐厅选用拣手乌骨土鸡公，以花椒，辣椒，大蒜，豆豉，冰糖等十几种香料炮制而成，突出麻辣烫鲜香嫩既特点，令人回味无穷；最好一开始就捞哂啲鸡上嚟先，食一旧落一旧，咁就可以保持鸡肉既嫩滑；除咗嫩滑既乌鸡之外，锅里面仲有大量既冬菇，钟意食冬菇既我大爱。
新鲜鹅肠，新鲜既鹅肠有几美味，相信食过既朋友都无需多讲，难得在于新鲜既鹅肠唔系度度有得食，今日喺度见到当然唔会放过，鹅肠一摆上枱睇见啲胆固醇心中已经暗喜，渌一渌摆入口，爽口之中带有油香，滋味就系咁简单。
美国雪花肥牛，肥牛块块都雪花纷飞，口感丰腴，牛味香浓，点少少蒜蓉麻酱嚟食，又系另一番风味。
西班牙黑豚肉，黑豚肉每一块都片得好薄，尽显师傅既刀功，落水拖一拖就食得，黑豚既猪味并没有被浓烈既汤底所盖过，赞。
莴笋片，莴笋新鲜爽脆，呢度既莴笋比起平时食开既多咗一份清甜，相信要嚟食过先至领略得到。
四川绍粉，最后嚟个粉面作结是常识吧，绍粉望落有少少似食开嘅红薯粉，口感烟韧弹牙，我估个粉喺厨房已经煮熟咗，只需要放落个汤底翻热经已食得，时间嘅长短控制住所索汤汁嘅多寡，渌耐啲就浓味啲，重口味嘅朋友建议两分钟起跳，不过最重点系呢只粉渌得耐都唔会话融化，试过有两条漏网之鱼到最后都无烂到。
不得不赞嘅系， 呢度既侍应非常主动，兼有礼。 每次加汤、斟茶，定必奉上笑容， 令客人食得满意开心。
张贴
