川之源

营业中

休息中

四川菜系香港都算受欢迎嘅菜式之一，成日都心思思想去唔同川菜馆挑战下🔥😛今次就嚟到系西营盘正街上面嘅川之源，店入面环境都有啲古色古香嘅感觉。呢度嘅川菜好多元化，净系辣嘅菜式都有分水煮、泡椒、干煸、香辣、麻辣、酸菜等唔同派别，可以根据自己偏好嘅口味嚟选择。呢度收银处位置仲有摆卖佢哋自家制作嘅辣椒油、花椒油等，可以买返屋企自己还原返个味道🤪水煮牛肉大大碗嘅水煮牛肉份量极大，有牛肉、芽菜、薯粉，牛肉好腍，芽菜爽口、粗身嘅薯粉烟靭度极高，好有咬口，口感丰富😗汤底虽然红当当，但食落唔算超级辣，唔驶饮水，麻香同辣香十足，味道唔错👍🏻红油抄手呢款就相对辣啲，食落比较呛喉🥵😂辣油辣劲甚高，好刺激。云吞大大粒几饱满。青椒炒土豆丝另外仲叫咗个唔辣嘅青椒土豆丝，炒得干爽爽口，解辣一流。桂花冰粉最后侍应送咗两碗桂花冰粉比我哋，作为晚餐嘅ending啱啱好，冰粉滑捋捋，桂花糖味道清香唔太甜，食完刺激嘅辣嘢再食呢个就平衡晒😻😻人均消费：$200推介指数（10分为满分）：7.5分