爆汗串串 (已結業)

果然会爆汗架！男朋友好钟意食辣野，我地食完晚餐经过一间餐厅，叫爆汗串串，佢又话想买黎试下。男朋友叫左口水鸡饭，卖相正常同出面无咩分别，点知入口就知道餐厅水准啦！口水鸡底下有满满辣汁，鸡肉香嫩香滑，鸡皮入口完全唔觉油腻，辣度好突出！我最爱鸡翼，入口非常滑溜满足架！好彩有白饭，因为辣到出哂汗，配白饭食岩岩好！我地叫水饺试试。入口好多汁中间馅料好丰富，菜肉唔会干身！我地仲叫左好多串串，有午餐肉、牛柏叶等等，用竹签串起哂，加上餐厅调味，好特别呀！