呇

营业中

休息中

早排有位朋友仔系加大拿返黎，作为地头蛇，当然要带朋友仔去揾好野食啦！朋友开左两个条件比我，一系要食辣野，二系要附近有酒吧！我谂左一阵，嗯…就带左佢去湾仔揾好野食。系湾仔区食辣野又不失礼朋友，脑海中就立即谂起 呇。作为第一间入选米芝莲一星嘅川菜呇，绝对唔会失礼朋友仔啦！是关今次电话无位比我影相…只系影得一张，所以就同大家介绍住两道菜先！朋友仔一坐低就话要食牛，仲要系好辣嘅牛，我望一望个menu就二话不说点左一个水煮牛肉。 川菜出名嘅水煮牛肉果然辣得过瘾，成锅满布辣椒。每片牛肉浸系辣汤入面，除左新鲜牛肉嘅肉香之外，仲有花椒嘅麻同辣椒嘅辣…嗯…朋友仔食得非常满足。除左牛肉片之外，个锅入面仲配有薯粉。咁辣嘅汤配上薯粉…我就顶唔顺啦，食左两淡就应该停左手除左水煮牛肉之外，我仲想同大家推介佢嘅干炒四季豆。呇嘅干扁四季豆系我食过嘅餐厅入面做得更为出色，四季豆炒得较为干身，配上唔好嘅香料同辣椒，味道非常浓郁可口，值得比5粒星！