十二味麻辣三兄弟 (已結業)

有日突然想食辣野，行过见个名"十二味麻辣三兄弟"，个名咁搞鬼既。点左招牌麻辣香锅，而口味就选择左孜然味，配料拣左鲜虾、猪手 羊肉 肥肠，点完菜念起以前响深圳街边食过d串烧，已经有d期待。一见到锅，心谂洗唔洗咁大碗，d辣椒好似变种辣椒，好鬼大只。初头一望以为会劲辣，但食落只觉系谭仔四小辣级别。配料同辣椒一齐爆香，最正系鲜虾d虾壳爆香晒可以连壳食，肥肠，猪手同羊肉吸晒d孜然味，整体几惹味。叫左推介既桂花冰酿，饮落去甜甜地，酒味唔浓，似糖水咁，但可以冲淡下油腻感。