麻辣派對 (已結業)

食辣一定要揾岩脚，除左接受辣之外，程度亦不能忽视，食bb辣嘅人食唔大辣，食开大辣嘅食bb辣又无瘾。今晚好好彩，朋友口味同我差唔多level，就一齐出席「麻辣派对」喽！渣甸坊同金百利分店嘅菜式有少少唔同，渣甸方分店主要食水煮、泡椒、小菜、炒饭为主，金百利分店就以面食为主打，当然都有小炒。今晚拣左渣甸坊分店，两丁友食大大盘嘅特色菜不划算，所以拣左几款入门级，实行平有平食。必点酸辣粉，汤头有味而不偏感 (呢点非常重要)、薯粉质感腍而非常烟靭，加上肉碎、菜生、炸菜。低至bb辣高至大辣，我地食中辣就觉得岩岩好，不过隔离枱食小辣都觉得好辣，所以...要小心拣啊！因为好多时坊间嘅口水鸡都得个油字，香味辣味都欠奉，所以今次都叫左份例牌，仲要大辣。鸡肉比辣椒碎同辣油盖过，每食一件鸡都好似寻宝咁，实质都数唔到有几多件鸡，但除左辣味都食得出有鸡味。只不过大辣真系有啲辣山型咁高嘅凉拌土豆丝，一丝丝人手切成。但食到落底愈来愈辣，我地叫左中辣咋！可能土豆比较吸味，同埋底部系辣汁...红得好彻底，比起口水鸡仲要辣！最后一道系甜品，一见到餐牌我就决定几饱都要食 - 姜茶水中花。又系手工制品，一件豆腐切很花型，看似柔软