書湘門第 (富利達中心)

营业中

休息中

好耐之前新开张𠮶时黎过1次，好多菜色都比较辣，因为唔食得辣之后就唔敢再黎，今日心血来潮想食酸菜鱼，系openrice search见到新餐牌写住＜辣唔辣由你话事＞，贪佢地方几好坐于是比次机会自己亦比个机会餐厅，希望以后会多一个选择，点菜时讲明要不辣，系少少辣都唔要，店长叔叔好明确表示知道，到上菜时就发现唔对路，睇卖相都觉得有少少辣，店长叔叔再强调话唔辣架，但一食落口就知伏左，味道系正正常常，其实啲鱼系几滑的，但并非走辣啰！食到我同我妈都顶唔顺，佢食左少少已开始咳，唔敢再食，我就有喉咙唔舒服。菜花比较油，亦非走辣！走前同店长叔叔投诉，佢话会反映比厨房知，下次再黎会改善，但我话应该唔会有下次了！其次系份量少，加$12转米线，份量少到一个女仔都唔觉饱！再其次系冷气唔够，尤其窗边位更甚，原本贪佢地方阔落先黎，今次真系一个错误的决定