麻辣派對 (金百利廣場) (已結業)

麻辣小队出动既机会难逢，绝对唔可以拣迁就香港人口味既辣野，今次偷听到由店员到客人都讲紧国语，不禁期待辣到喷火既一刻。重庆铜盆烤桂鱼 ($298) 麻辣研究左好耐要重庆铜盆烤桂鱼定水煮系列好，见有人话后者鱼片份量唔多，就拣左呢款。 原条片开既桂鱼预先炸过再放入麻辣汤，有油炸过既酥脆同油香，就咁食都已经够香口惹味。 几欣赏选用左有咁上下重秤既桂花鱼，鱼肉厚身又嫩滑，一人半条岩岩好，连骨都食埋。 罕有地挑战中辣，最后都系我眼中只系热浪等级，轻松驾驭得黎几够香，越食会越辣。配料除左有大量芽菜，仲有豆腐、金针菇、魔芋同莴笋，如果莴笋可以唔煮咁耐爽身少少就更佳。 加左水晶粉 ($28)，份量十足，索哂麻辣汁好入味，但质地偏软腍唔太过瘾。蜜语水果茶 ($38)无限西瓜、火龙果、橙同奇亚籽既阵容令我未饮都已经满心欢喜，水果茶唔会太甜够冰冻，啖啖杂果好满足。主打既辣度最后未达致惊为天人，反而用料毫不手软又几抵赞，唔追求地道重庆水平都可以一试。