恆河咖喱屋 (已結業)

今日去筲箕湾坐小巴去沙滩玩，热都爆...行下行下见到咖喱，正㖞！～仲要男人话恒河咖喱吾错好味道，因而我地4个一齐去食个午餐先再坐小巴入 去。去到都有一半人坐系度食，位置比较迫左少少同待应都少，所以叫野食都要不停找人黎。我地4个人叫左3个餐，每个都系＄50左右都抵（有汤，咖喱， 饭／2片薄饼，饮品）。今次叫左羊，牛和鸡，仲有大中小辣选择，当然食辣的我们叫左2个中辣和试一试个大辣黎挑战下！～啤酒只有青岛纯生细枝装，叫了2枝够皮...(因为咖喱太辣了）汤系类似薯仔汤的东西，偏甜，饮落吾错，但一定记得吾好饮晒，因为要留之后解辣用！！！咖喱3款都好入味，肉不硬，香料足够所以香口又有不同层次的味道！～正！！ 但大辣有少少苦味，但食左一口之后味觉仲KEEP到耐个辣度。所以都系中辣最好味！～饭／2片薄饼，饭竟然有少少咸味，好味道。而2片薄饼有原味和䓤选择，最后我们每款要一片，有咬口之余包味重，而2片薄饼底部有少少㶶，好脆口， 好好味，推介！！饮品都系咖啡奶茶果类，味道正常。以＄50左右有这个质素的咖喱午餐十分抵食，只系待应同位置就一般。