雲南小鍋米線

营业中

休息中

电视同埋米线关注组都有见过的米线，有时间就趁顺路黎食下。 个汤底只得一种，无得拣，只有拣辣度。姐姐有温馨提示，辣度偏辣。但我都系低估左佢既辣度，高估自己的能力，拣左小辣（废j：食开10小） 我应该要拣肉碎辣。 我唔知系太辣令我试唔到酸辣汤底既酸，定本身汤底酸味唔出，反正一路流鼻涕一路食。 汤底可能系因为我拣错辣度，所以觉得得辣味，无酸味。 而配料就有赞有弹。冬菇厚肉入味，甜味喺个酸辣汤到突出，推荐！鸡丝，唔明点解出名，撕得好细好碎，捞埋汤米线完全无咬口，食唔到佢既存在。腩肉煮得够腍同入味，都唔错，唔会食都一嚿肥膏甘。至于螺旋藻，我觉得冇乜特别，佢唔索汤，有啲似海带紫菜甘。如果要等位，我就唔会排队食，如果冇乜人嘅话我会试吓肉碎辣既。