影片
更多
2019-04-06
299 浏览
因为红磡重建嘅关系，好多舖头都搬左舖，王幺妹都不例外。朋友由旧舖食到新舖，味道无变，新舖光猛左，虽然都系细舖，但无以前咁迫啦。是日黎红磡睇戏，想食辣，朋友就介绍左呢度，中午时段要等位呢，好旺啊。餐牌看似简单，原来都有好多配撘，先可以拣要面定泡饭，而面又可以拣米线，红薯粉，河粉等。辣有酸辣或麻辣，辣亦提供多种辣度，啱哂我呢啲想食辣但又食唔到太辣嘅人，哈哈。废话讲到呢度，讲返今日食左咩好味先。枱上有简单调味品，嫌唔够辣仲可以加辣添呀。怕太辣，叫定饮品先，王老吉同支装茶都系跟餐加$10，冻冰冰解辣啱哂啦。朋友叫左羊肉米线（$59），bb辣颜色望落都唔太辣咁样。羊肉几有羊味，但唔系膻个种，个人觉得好味噃，钟意羊肉瘦瘦地有口感。自己要左牛肉米线（$49），同样系bb辣但呢碗红咁多嘅，原来牛肉本身已经系辣嘅，所以加埋一齐就会辣啲。牛肉切粒状，半肥瘦辣辣地又有牛味㖞，仲好滑好软腍添，意外呢，好好味啊。除左牛，配菜仲有酸豆角，竹笋等，都好丰富㗎。米线劲粗，淋淋地吸汤力不错，汤底要左麻辣，够麻够辣好对胃，好钟意呢种国内口味嘅辣。口痕又叫下小食，要左细size凉拌青瓜（$20），青瓜爽口带酸味，酸酸辣辣好
餐牌看似简单，原来都有好多配撘，先可以拣要面定泡饭，而面又可以拣米线，红薯粉，河粉等。辣有酸辣或麻辣，辣亦提供多种辣度，啱哂我呢啲想食辣但又食唔到太辣嘅人，哈哈。废话讲到呢度，讲返今日食左咩好味先。
枱上有简单调味品，嫌唔够辣仲可以加辣添呀。
怕太辣，叫定饮品先，王老吉同支装茶都系跟餐加$10，冻冰冰解辣啱哂啦。
朋友叫左羊肉米线（$59），bb辣颜色望落都唔太辣咁样。
羊肉几有羊味，但唔系膻个种，个人觉得好味噃，钟意羊肉瘦瘦地有口感。
自己要左牛肉米线（$49），同样系bb辣但呢碗红咁多嘅，原来牛肉本身已经系辣嘅，所以加埋一齐就会辣啲。
牛肉切粒状，半肥瘦辣辣地又有牛味㖞，仲好滑好软腍添，意外呢，好好味啊。除左牛，配菜仲有酸豆角，竹笋等，都好丰富㗎。
米线劲粗，淋淋地吸汤力不错，汤底要左麻辣，够麻够辣好对胃，好钟意呢种国内口味嘅辣。
口痕又叫下小食，要左细size凉拌青瓜（$20），青瓜爽口带酸味，酸酸辣辣好开胃，再多啲蒜香就好了。
仲有凉拌云耳（$20），好爽口，同样系麻辣口味，越食越辣正呀～呢度个辣好啱口味，下次黎睇戏又食佢先，好好味呀！
张贴
