八一蕃巴蜀烤魚店 (砵蘭街) (已結業)

去FD屋企玩，晚上求其揾间FD帮衬开嘅铺头试试。哩间晚上都几full下，差唔多全场坐满，睇落食客似街坊多D，都几期待下。可乐同雪梨茶，食开辣嘢一定要叫啲汽水或者下火茶，解辣一流。子姜皮蛋，FD嘅最爱，皮蛋分量都几多下，同子姜一齐食别有风味。凉拌耳丝凤爪，哩碟前菜都几辣下，耳丝同凤爪OK，估唔到最好食系配菜，胡罗卜丝同青瓜丝预先腌制，超级好味。大漠羊肉串，落咗孜然同盐调味，已经可以带出羊肉香味，烤得唔错。烧白鳝，落咗秘制酱汁烤制，皮烧得脆啵啵，OK。巴蜀烤鱼草鲩鱼细边（麻辣味），细边一D都唔细，配料仲有豆腐皮，薯粉，芽菜，大葱等。鱼都是新鲜现烤，所以食落好嫩滑，仲要冇骨，叫咗中辣，都几辣。。最好食嘅系薯粉，薯粉嗦晒麻辣汤底，好Q弹好惹味。成份烤鱼食落劲饱，细边分量好啱两个女仔，可以食烤鱼，又可以食到好多小菜，食完真系超饱TIM。