冒喜 (蕪湖街)

营业中

休息中

我叫咗一个54蚊嘅吉祥套餐，佢可以拣六个𩠌，同一个汤底，另外只要加$5就可以有一个主食。个人觉得都性价比都OK，𩠌里便我特别推介佢嘅潮汕牛肉丸同蒜香墨鱼丸，两个都非常之弹牙好食，而佢嘅牛肉丸里面仲好多汁添！佢另外仲有个贵州丁家脆哨，佢系食落脆卜卜，几得意。另外个人都好钟意佢嘅滑牛肉，因为非常之嫩滑。我就叫咗个重庆酸辣汤底，再配搭佢嘅汤底酸酸辣辣，非常之开胃，但系佢一上嚟嘅时候实在太热啦，建议大家摊冻少少先再食😂我哋仲嗌咗个小食，包括土豆丝同埋鱼皮，鱼皮非常之弹牙爽口，而佢嘅土豆丝好入味。另外我都推荐饮吓佢嘅特饮，佢嘅苹果特饮几好饮。