湘肴世家

营业中

休息中

路过呢间，一于食吓辣。招牌菜系鸳鸯鱼头王 $168， 剁椒半红半黄，是为鸳鸯。红色一边系偏酸辣，黄色果边系泡椒偏咸辣。个人比较喜欢黄色，因为比较香啰。鱼头份量好足，很大一条淡水鱼，近背的一边很多骨，鱼腩位先食得掂。香辣咸酸又够重口味，十足十正宗响大陆食到的味道。小炒黄牛肉 $138其实好细碟，牛肉同芹菜辣椒等配料切到「碎湿湿」，俾埋只匙羹，明系捞饭用。黄牛肉系比较硬身的，几韧但有牛味。越食越辣，捞饭一流，系贵左D啰。炒椰菜花$68配料多多，有青红辣椒，有肥肉，炒得好香口，几辣吓。盘是大，不过椰菜花唔算多，一阵子就食完，未能尽兴。砂锅饭$10用左砂锅原盎蒸，饭质偏淋。砂锅其实好浅，所以份量奇少，只有正常饭碗的一半咋。咁都收 $10，偏偏食辣野又要食好多饭，抢钱的。