影片
更多
2019-04-08
59 浏览
辣得过瘾嘅传统小菜一班人一齐食饭最好就系拣中菜，因为圆台方便大家倾偈同gathering。满江红餐牌有好多嘢食，我哋拣咗蒜泥白肉，白玉有少少肥， 面上有好多蒜泥， 闻到都觉得香，食完成个口都系蒜蓉味，超级香浓。皮蛋豆腐相对地比较普通，因为豆腐食落似现成百福豆腐，但系皮蛋几好食，呢道菜其实简单得黎冇得输。蒜片牛肉粒呢个超级好食，好有惊喜，佢包得好香，牛肉食落去外边脆脆哋，但系入面系林嘅，加埋少少蒜蓉味，份量都唔少，一口小吃。正呀！酸菜桂鱼相信系食川菜必叫嘅一道菜之一，桂花鱼都几大件，而且都够滑， 而且仲有唔少菇喺入面，汤底酸酸哋几开胃，味道唔错。罗定豆豉鸡呢个辣辣哋，但系调味几香，好惹味。辣得嚟几好食，而且啲鸡都唔「鞋」，不过有少少偏重口味。麻婆豆腐真系捞饭一流，麻婆豆腐好香，豆腐够滑，而且充满川菜风味，啱晒食得辣嘅朋友。 唔该叫多碗饭呀!胡椒海中虾系店员推介，最少要叫六只，黎到一锅打开胡椒味好香，真系香得好紧要呀! 似大头虾咁，食落都新鲜，但系呢个𩠌我反而觉得偏辣。另外再嗌咗红油水饺及鸡汤云吞，饺类非常出色，味道唔错，我个人喜欢食红油水饺。叫咗咁多辣嘢当然怕太辣，所以叫咗渣蜜瓜汁，清清
一班人一齐食饭最好就系拣中菜，因为圆台方便大家倾偈同gathering。满江红餐牌有好多嘢食，我哋拣咗蒜泥白肉，白玉有少少肥， 面上有好多蒜泥， 闻到都觉得香，食完成个口都系蒜蓉味，超级香浓。
皮蛋豆腐相对地比较普通，因为豆腐食落似现成百福豆腐，但系皮蛋几好食，呢道菜其实简单得黎冇得输。
蒜片牛肉粒呢个超级好食，好有惊喜，佢包得好香，牛肉食落去外边脆脆哋，但系入面系林嘅，加埋少少蒜蓉味，份量都唔少，一口小吃。正呀！
酸菜桂鱼相信系食川菜必叫嘅一道菜之一，桂花鱼都几大件，而且都够滑， 而且仲有唔少菇喺入面，汤底酸酸哋几开胃，味道唔错。
罗定豆豉鸡呢个辣辣哋，但系调味几香，好惹味。辣得嚟几好食，而且啲鸡都唔「鞋」，不过有少少偏重口味。
麻婆豆腐真系捞饭一流，麻婆豆腐好香，豆腐够滑，而且充满川菜风味，啱晒食得辣嘅朋友。 唔该叫多碗饭呀!
胡椒海中虾系店员推介，最少要叫六只，黎到一锅打开胡椒味好香，真系香得好紧要呀! 似大头虾咁，食落都新鲜，但系呢个𩠌我反而觉得偏辣。
另外再嗌咗红油水饺及鸡汤云吞，饺类非常出色，味道唔错，我个人喜欢食红油水饺。
叫咗咁多辣嘢当然怕太辣，所以叫咗渣蜜瓜汁，清清地几解渴。
餐厅都坐得几舒服，适合一班朋友或者同屋企人嚟食。
张贴
