回家湘

营业中

休息中

一向中意食湘菜嘅FD，推荐咗哩间湘菜馆，一定要试试。餐厅唔算大，装修唔错，好有湖南风味。百香果汁（扎），用咗百香果同柠檬制作，会过滤咗百香果籽，好有心。入口百香果果味浓厚，伴有淡淡柠檬清香，解辣一流。手撕酱板鸭，板鸭切得细细件方便入口，板鸭肉微干带有少少烟熏味，食落好有嚼劲，送酒一流。腰肝合炒，哩个𩠌系香港好少见，很考验主厨火候。猪腰同猪肝切得好薄身，用大火爆炒，十数秒已经可以起货。肝腰处理得好干净，食落超级嫩滑仲要好有镬气。樟树港辣椒炒土猪肉，用咗湖南特色樟树港辣椒炒制，哩款辣椒唔会好辣，食落脆口带有少少清甜。土猪肉切片，炒到微微卷起，辣椒可以中和咗猪肉油脂，猪肉肉嫩辣椒鲜甜，送饭一流。