品味鮮小廚 (已搬遷) 新店位置

前几个礼拜，同屋企人黎呢度食饭。听闻呢度既口水鸡味道唔错，所以想过黎试下。口水鸡面头有好多香料，一咬旧鸡。旧鸡系好嫩滑，个口感真系唔错。而且份量都几多，食呢个鸡真系无错。要黎送饭真系一流。真系未食过咁好食既口水鸡，有机会实再叫过。椒盐鲜鱿呢个鲜鱿既粉唔系太厚，啖啖都食都鱿鱼。而且味道好新鲜，个调味有特别。系加左小小辣粉去炸，食落有辣辣地既感觉，唔错。水煮牛肉一送到黎，差俾佢面头既红油吓到。因为面头有好多香料加辣油烹调既菜式，真系唔辣都无人信。但食落又食到既，牛肉都算几淋。呢个汁送饭真系好过瘾架。实有下次既，因为真系辣得好过瘾。而且价钱又唔太贵，实有机会。