川莊

营业中

休息中

平时夜晚经过呢间餐厅都好多人等位，难得今日早食饭，见冇人等就入去食噜～呢间川菜馆嘅装修好靓，碗碟都好有特式。呢到嘅菜唔系平时一般饮茶个啲茶，而系杯入面有材料俾大家焗茶饮，系香港都好少见。餐厅好细心，杯茶用上菊花茶，清热之余亦为客人解解辣。我哋本身想叫酸辣汤同小菜嘅，不过见佢嘅水煮鱼系招牌就叫咗个。呢到叫水煮鱼仲可以拣四款配料，我哋就拣咗薯粉、牛肚、腐竹同埋金菇。另外，我哋仲叫多咗个炒花甲。水煮鱼我哋叫咗一分辣，即系最小嘅辣，但同行嘅朋友都辣到出哂汗，红都面哂。不过佢就话个辣系令佢食上瘾，愈食愈想食。佢呢个水煮鱼嘅味道配合得好好，唔会一味得个辣字，麻味同咸鲜味都好出。个鱼系食得出佢嘅鲜甜，而且份量都好够。唯一差啲嘅系佢嘅薯粉，好似煮得太淋，一夹就断，同埋唔系我一开始期望嘅火锅粉。而个花甲就一般般啦，肉唔太多，味道偏甜，而且冇写嘅三分辣咁辣咁。