渝味曉宇重慶老火鍋 (聚賢逸居) (已結業)

天气潮湿系未要去食辣嘢去湿，我系好怀疑。不过我Honey话系，我都冇办法，咁就要去食。最近，西环开左间重庆麻辣火锅店。天时暑热，竟然有人开火锅店，亦估唔到我去食时有3分2食客。依间食肆需要行一层楼梯先到，地方颇大，座位宽敞，装修雅致。我哋叫左普通辣鸳鸯锅，地道麻辣火锅底，另一边系芫茜皮蛋汤底。食开小辣嘅我，受唔住呢个普通辣。一位类似经理先生捧著一个盘，推介盘上面既凤爪同木耳。我地叫左木耳，味道酸酸地，辣辣地，有D果皮条，食落去酸盖过辣。我哋叫咗全部细份嘅鹅肠、羊肉卷、鳝鱼、脆肚、四宝丸、稻庭乌冬、海带、淮山同薯粉。全部食材好新鲜，但略嫌份量太细。有趣既系里面有一半嘅食客系讲普通话。