滿江紅小甜甜 (已結業)

要食四川辣野唔一定要帮衬大型连锁店既，偶然试下d街边小店都系一个唔错既选择👍呢间餐厅外表睇落古色古香，装修都有d历史，未食都feel到一阵阵既四川风味🌀我地今次叫左麻辣粉条，麻辣鸡煲，火爆牛肉，干煽四季豆，珍宝青柠树同菠萝蓝精灵麻辣粉条系冷盘黎，但系浸麻辣香香到似热食咁，粉条非常爽口，配合埋香口既麻辣汁十分开胃🤩麻辣鸡煲算系mini size既，可以当做一个小菜，唔怕食唔晒，呢个煲既麻辣味同粉条果只系有分别，唔会话食黎食去都系果只味🙈火爆牛肉听个名都知辣啦，食落真系辣到喷火，好彩牛肉表面有蜜糖，多一种口感之余仲可以中和辣味，唔会得个死辣🔥干煽四季豆就唔辣既，食咁多辣野叫返碟菜调剂一下都好既，个四季豆食落都唔老，正常发挥啦😉珍宝青柠树系青柠沙冰黎，上枱时都多汁多水，冻冰冰用黎解辣一流🤤菠萝蓝精灵系菠萝加椰奶特饮，感觉有d似果罐韩国既忌廉沟鲜奶，系几解渴解辣😛