Bingo & Cook (駱克駅) (已搬遷) 新店位置

难得多人又系时候食韩菜，虽然又要限时唔能够边食边倾，但只有人多先可以试多几款大大份嘅韩菜~餐厅楼底高，阔落好坐，既有近住落地玻璃嘅四人枱，亦有梳化卡位。啖啖鲜西柚嘅酸涩味，血橙色嘅鲜果米酒卖相吸引，不过米酒就唔够重手，饮落喉咙微暖，酒味唔浓。如果嗜酒之人可以考虑其他饮品。士多啤梨沙冰望落唔大杯，但因为以鲜果同yoghurt打成，饮落会饱肚。重本咁用yoghurt而唔系乳酸/奶，味道更天然唔腻。钟意辣嘢嘅人唔可以错过呢个弹弹面。帮原只鱿鱼打完卡就会有waiter帮手剪开鱿鱼，服务周到。弹弹面有啲通透，比粉丝更有韧度。酱汁味浓，入口系甜椒味，鲜辣椒嘅辛香慢慢渗出，虽然唔系劲辣，但呢重富层次且源自食材嘅甜辣味相信唔少人都会钟意。食过唔少韩式煎饼，佢哋都系以面皮为主，虽然味道都唔错，但满布韮菜嘅煎饼就更得我心。可惜牛肉唔太多，幸好韮菜味够抢，煎饼唔会只有粉味。最后嚟返个甜辣酱炸鸡。食得出甜辣酱系以鲜辣椒调成，唔似一般店舖只用现成酱炮制。炸鸡脆皮好薄，所以冇油味。