影片
更多
2023-09-06
78 浏览
去完欧洲返嚟，第一件事就系想打边炉。趁住打风前夕，去咗食想试好耐嘅麻辣火锅。一坐低餐厅就上咗碗雪耳红枣糖水，话可以喺食辣嘢之前保护个胃，非常贴心。我地叫咗个鸳鸯锅：麻辣+ 花胶鸡汤 (+$20/位)，花胶鸡汤好鲜甜，入边嘅鸡都仲好嫩滑，亦都有唔少花胶。麻辣汤底我哋拣咗普通辣，辣椒同花椒味道好平衡，辣得好过瘾，又唔会话辣到食唔到。见到有个叫+0辣，本身以为系唔辣咁解，问番原来刘嘉玲嚟过打边炉，佢好食得辣，所以整咗呢个”嘉玲辣”俾佢。Menu有好多招牌菜都好吸引，简直花多眼乱。鲜猪心 ($38, 8/10)：入口鲜嫩爽滑，完全冇内脏嘅臭味鲜黄喉 ($58, 7.5/10)：第一次食黄喉，问番先知原来唔系喉咙，系主动脉血管。食落好爽脆，听讲处理上嚟好花功夫，所以唔多地方有得食鲜鹅肠 ($68, 7.5/10)：鹅肠好爽口，浸左麻辣汤之后劲惹味功夫莴笋片 ($28, 8/10)：每一片莴笋都片得好薄，果然好考功夫。脆嫩的莴笋食落有清爽口感和独特香味，令人回味无穷手打鱼籽虾滑 ($58, 8/10)：鱼籽虾滑真材实料，味道鲜甜，仲食到淡淡虾肉武隆苕粉 ($28, 9/10)：呢个望落有啲似粗薯粉
去完欧洲返嚟，第一件事就系想打边炉。趁住打风前夕，去咗食想试好耐嘅麻辣火锅。
一坐低餐厅就上咗碗雪耳红枣糖水，话可以喺食辣嘢之前保护个胃，非常贴心。我地叫咗个鸳鸯锅：麻辣+ 花胶鸡汤 (+$20/位)，花胶鸡汤好鲜甜，入边嘅鸡都仲好嫩滑，亦都有唔少花胶。麻辣汤底我哋拣咗普通辣，辣椒同花椒味道好平衡，辣得好过瘾，又唔会话辣到食唔到。见到有个叫+0辣，本身以为系唔辣咁解，问番原来刘嘉玲嚟过打边炉，佢好食得辣，所以整咗呢个”嘉玲辣”俾佢。Menu有好多招牌菜都好吸引，简直花多眼乱。
鲜猪心 ($38, 8/10)：入口鲜嫩爽滑，完全冇内脏嘅臭味
鲜黄喉 ($58, 7.5/10)：第一次食黄喉，问番先知原来唔系喉咙，系主动脉血管。食落好爽脆，听讲处理上嚟好花功夫，所以唔多地方有得食
鲜鹅肠 ($68, 7.5/10)：鹅肠好爽口，浸左麻辣汤之后劲惹味
功夫莴笋片 ($28, 8/10)：每一片莴笋都片得好薄，果然好考功夫。脆嫩的莴笋食落有清爽口感和独特香味，令人回味无穷
手打鱼籽虾滑 ($58, 8/10)：鱼籽虾滑真材实料，味道鲜甜，仲食到淡淡虾肉
武隆苕粉 ($28, 9/10)：呢个望落有啲似粗薯粉，口感比一般薯粉更加烟韧爽滑，大推！
鲜龙趸片 ($78, 8.5/10)：厚切嘅龙趸片口感鲜嫩，肉质细致
美国桶蚝 ($98, 9/10)：新鲜的美国桶蚝，肉质creamy, 味道鲜甜，带有淡淡的海水味
鲜滑鱼面 ($38, 7.5/10)：一啲唔腥，亦好有鱼味
特色迷你燕饺 ($38, 8/10)：燕饺外皮嫩滑烟韧，入面系猪肉同埋葱花，一啖一只岩岩好
霞浦海带苗 ($18, 8.5/10)：比一般海带长好多，唔单止食落有啲似紫菜嘅海水味，仲令汤底带有咸香
淮山条 ($28, 7.5/10)：双色淮山条卖相好靓，口感绵密，带有淡淡的甜味
维C天王 ($48, 8/10): 洛神花茶酸酸甜甜好开胃
爆柠天王 ($48, 8/10)： 呢杯成800ml嘅冻柠茶甜度适中，打边炉饮住佢真系好爽
我觉得呢间餐厅环境舒服阔落，食物新鲜，招呼亦好周到，侍应有主动介绍我哋除咗点豉油，亦可以点麻油食，唔单止解辣，仲带出食材嘅鲜味，整体系值得一试!
💰人均: $400
张贴
