祥仔辣辣 (The LOHAS) (已結業)

同老婆去康城行下新商场，见到祥仔辣辣系The Lohas 都开左分店，嗜辣之人当然要试下啦！辣辣招牌二人套餐有前菜、招牌菜、小菜同甜品，性价比高！呢个系招牌口水鸡，软嫩o既鸡肉浸泡系满满的辣油之中，食落又麻又辣，好正，而且花生好脆口！酸辣红海蜇花都几爽口，微酸辣且带有嚼劲招牌菜我地拣招牌祥仔酸菜鱼！菜式可以选走辣、微辣、中辣或者大辣，所以唔食辣嘅朋友仔都可以食到！就番老婆，酸菜鱼拣左微辣，都几香几惹味！酸菜鱼微微酸辣，汤头清甜，原来系用左鸡骨同猪骨去煲！鱼肉好嫩滑，高质自家酸菜炒肉末配薄饼，肉末加上酸菜炒得好香！呢道菜拌饭一流，用薄饼包黎食几特别，另一番滋味！干锅福建椰菜花又系爆充满麻辣鲜香，椰菜花好入味！焦香爽脆宫保虾仁份量都几足，虾仁肉质弹牙，味道酸辣提香套餐o既甜品系酒酿桂花汤圆，味道清香雅淡，配合烟烟韧韧o既汤圆，几好！食辣当然要叫D冻饮先够爽！叫左两杯沙冰试下，牛牛好滑好香牛油果味，清甜带奶香。热情之谷口味就更加清新，有香蕉、芒果汁、凤梨汁加上牛奶，充满热带风情！辣得过瘾🔥