麻辣派對 (瑞生酒店) (已結業)

早两日同老公出街食饭, 佢突然话想食辣野, 之后就揾左依间去食晚饭, 我地无订位, 可能平日所以唔算好多人, 幸好一入去就有位餐厅装修有啲摩登感觉, 座位都几舒服同阔落, 落单系写纸, 估唔到都几多菜式选择, 最后我地食左个鸡锅, 一个小菜, 另加白饭同水晶粉麻辣鸡锅 (半只)本身都系半只鸡既份量, 我地平时本身系食开小辣, 但怕唔够辣就无得再加辣, 所以我地一于叫中辣, 估唔到未食前闻到好香鸡锅味之余, 辣味有啲呛, 食落鸡件算几滑, 唔会太干身, 每件都沾满辣汁, 食落好香, 虽然愈食愈辣, 但够哂惹味, 辣得过瘾啊山城回锅肉小菜都有拣辣度, 我地就叫左小辣, 椰菜炒得好香口, 食落脆口得黎带甜, 食得出椰菜好新鲜, 回锅肉即系五花肉, 切得厚薄适中, 先有轻炸过再同椰菜一齐炒, 食落有啲微脆口感, 都系一样咁惹味, 送饭一流!金牌酸辣水晶粉另外叫左碗酸辣水晶粉, 叫左小辣, 水晶粉食落烟刃容易咬, 唔会咬极唔断个只, 个汤酸味较强, 辣度我觉得好似唔多够辣, 可以叫高一级就更好了!最后仲有红豆沙糖水送, 比较淡味啲, 但都可以接受呢!