川熙樓 (已搬遷) 新店位置

咁岩系尖沙咀又想食辣野 openrice左一下就决定过哩间餐厅黎食酸辣土豆丝 - 真系又酸又辣，正！而且土豆丝好爽口不过唔系好识得辣既朋友就要小心啦，同行的2位友人都话太辣顶唔顺。但系食得辣既绝对要一试！有一点搞笑既系土豆丝既大细好唔一致，有d似切出黎有d似刨出黎。蒜泥白肉 - 味道好清，就只有蒜蓉，葱同青瓜丝加辣油。我唔中意有d蒜泥白肉个汁系好浊，类似加左花生酱之类既野。而且肉方面，上面果层白色既肉绝对唔系肥猪肉口感，而系好爽口。本身应该系有6旧，一人食左一旧之后先醒起要影相情侣肺片 - 佢入面唔只2种内脏，个酱就系上面我所讲有小小浊既酱。而且只有其中一种内脏系做得爽口，其他都好淋。葱油捞面 - 面既质地都算弹牙。佢既味道超似菜肉包味，以致我食既时候完全唔似食紧面，好似食紧菜肉包咁同埋佢份量好细，比普通女仔既手再大小小咁。担担面 - 同上面捞面系用同一只面，味道偏淡，但配上入面既花生米又几香口。 同样份量都系偏细。总体黎讲食物都算ok，如果价钱再便小小会更好。唔记得讲佢个茶好好饮，系玄米茶，真系一粒粒玄米泡出黎既茶。