尋麻記

营业中

休息中

因为爱吃辣嘅我，之前已经听过朋友介绍呢间小店嘅辣好好食，一场嚟到大埔就要将佢带埋返屋企慢慢享受。晚餐时间，小店都好多人，原来大家都系嚟买便当，后尾问左老板先知原来系可以叫1个肉3个菜嘅便当<$52>，难怪咁多人买。招牌椒麻鸡半只$88 - 原来鸡壳入面系填满麻椒，难怪会一直食都有麻香味，而且肉质非常嫰滑，下次应该可以挑战中辣。麻辣藕片$20/100g - 藕片非常脆口，辣味完全足够。金牌肥肠<中> $42 - 处理得好干净完全唔会有阵腥味，而且十分爽口，而且愈食愈辣，非常过瘾。藤椒凤爪$52 - 最喜欢食凤爪嘅我，忍唔住一定要试埋呢个，仲要系无骨岩哂懒人嘅我，不过辣味相对地冇肥肠咁辣，但都够麻香。如果呢间小店系开向屋企附近，我相信应该会变成我嘅小饭堂。