滿江紅 (已結業)

朋友虽然唔系好食得辣, 但却钟情酸菜鱼, 今日就专诚带佢嚟呢间位于尖沙咀加连威老道嘅正宗四川菜 - 满江红, 食酸菜鱼！点菜前问侍应有冇辣度选择, 侍应表示酸菜鱼无咩辣味, 所以就无特别要求少辣。酸菜桂花鱼$278食落其实比想像中辣, 朋友就唔系好食到啦, 我就食得津津有味。桂花鱼肉够新鲜！肉质扎实且富有弹性, 仲起晒骨, 啖啖都系肉。汤头酸度不算高, 汤中加咗唔少菇菌, 增添鲜味。香油莴笋丝 $38很喜欢莴笋丝独特嘅爽脆口感, 拌上香油更令人停唔到口。