十三少 (已結業)

有人话食辣系一种态度, 呢种令人痛并快乐着嘅食物令我地又爱又恨! 🔥🌝🌝🌝 外国更有研究指出爱吃辣嘅人活得更长久更健康🌶 麻辣酸菜鱼系我最爱嘅辣菜式之一! 酸菜鱼系川菜中一道特色美食菜: 凭借鱼肉鲜美, 酸菜酸辣爽口, 配上香浓嘅鱼汤….绝佳嘅嫩滑爽口感, 惹味十足, 男女老少皆宜 ✨ 酸菜鱼一上枱就闻到花椒同蒜香味，汤底系自家熬制嘅而且加入炒香嘅牛肝菌、白萝卜同蒿荀等。鱼片口感嫰滑，如果有埋薯粉就更完美了！午市套餐仲包左两款小食 - 蒜香土豆丝同埋麻辣卤水猪手。猪手卤得好腍好入味而且带点微辣麻香，份量十分慷慨多到似主菜多过小食😂！蒜蓉拍青瓜亦系开胃小菜必点！红糖糍粑 - 一款非常有特色嘅中式甜品，炸成金黄色嘅糍粒再沾上黄豆粉，外脆内软，再点一点红糖食，热辣辣又烟烟韧韧👍🏻甜到心入心❤️！