又一川

营业中

休息中

其实之前已经听过朋友推介，不过因为我唔系住呢一区，所以其实都好少经过观塘。不过今日难得经过就特登来试一试。其实佢食嘅嘢同谭仔三哥非常相似，都系酸辣薯粉、米线𠮶啲。不过朋友就专程推介，呢度嘅酸辣土豆丝，同埋蒜泥白肉，所以今次就另外叫埋呢两样野来试一试。虽然蒜泥白肉入边嘅蒜蓉唔系好够多，不过胜在调味调得非常之好，咸香之中带点酸，酱油味亦都好出，而且肉的部份亦都烹调得好好，唔会过分油腻，配合青瓜，食落去好清爽好开胃。而今日嘅主角，酸辣土豆丝，亦都令我刮目相看。其实土豆并唔系啲值钱野，讲真我本身无好期待，不过呢度嘅厨师，好用心咁样将土豆切成一丝丝，配合埋辣椒同埋醋，将一样平凡嘅食材，变得非常可口非常好味，果然唔简单。听朋友讲，呢度嘅水煮同样出色，希望下次有机会可以再来试一试。不过大家留意番，呢度嘅𩠌菜，辣味偏重，唔系好食得辣嘅朋友，就要自己衡量一下啦。