川上龍 (已結業)

来到尖沙咀揾地方食lunch，三位女士都很喜欢吃辣的，发现汉口道有间川菜食店，朋友用手机apps订枱，食晏啲平多啲。2:30pm 电梯上到三楼，打开门，午市依然热闹，安排坐窗口卡位，太好了。叫了一些冷盘前菜： 凉拌篙笋丝~ 香香的麻油味，篙笋切到幼幼，好爽口。葱油海蜇~ 海蜇爽口弹牙，葱油味道啱啱好，唔会太咸。醉猪手~ 好特别，猪手去咗大骨，食落啖啖肉，酒味香浓。大家都肚饿，点了几款名厨推介：水煮龙趸片~ 只是叫咗小辣，食落都几辣，大大块每人分到两块龙趸片，用足料，仲有一些木薯粉，挂满水煮汁，又香又辣。辣子肠肚~ 用了大量辣椒干及香料，猪肠炸得脆卜卜，牛肚也非常香口，好喜欢这种香辣。避风塘茄子~ 香港地道风味，热辣辣啱啱炸起，配大量炸蒜，大大嚿茄子，这种做法粉浆会厚一点。老干妈蒸广岛蚝~ 广岛蚝好新鲜，蚝味浓，底放了粉丝蒸，可以索晒啲汁。食辣配杯饮品，柠檬蜂蜜奇亚籽，健康有益唔太甜。